Ibitaro byakiriye  Imashini  yo gusuzuma ya Ultrasound yo mu bwoko bwa VINNOX2   iturutse mu nkunga y'Umushinga wa Enabel usanzwe ufasha ibitaro muri serivisi zo kwita ku buzima bw'Umwana n'Umubyeyi n'izindi.

 Iyi mashini yakiriwe ku gicamunsi cyo kuri uyu wa kane abaganga ,n'abandi bazayikoreshwa bamenyerezwa imikorere yayo ku buryo bwibanze .

Abaganga  n'abandi bakozi bakurikirana bya hafi iyo mashini mu gikorwa cyo kwerekwa uko ikoreshwa.

Igikorwa cyo gusuzuma ibice byose bigize iyi mashini ya Ultrasound bikora neza.

Abakora Imashini mu  bitaro  basuzuma ubuziranenge bw'Imashini yatanzwe.

  Dr . Yannick Tuyishime Umuyobozi w'Ishami  ry'  Ubuvuzi  n' Izindi serivisi zishamikiyeho avuga ko iyi mashini ije yunganirira izari zisanzwe zikoreshwa .By'umwihariko ikaba igamije gutanga serivisi zihuse ku bahuye nihohoterwa rishingiye ku gitsina .

" Ubusanzwe abatugana bikekwa ko bakorewe ihohoterwa rishingiye ku gitsina( GBV)  bakirirwaga hamwe n'abandi barwayi kuko Imashini zari nkeya  none ubwo  tubonye igenewe kubitaho by'umwihariko  bazajya batabwaho  byihuse  kurusha uko byari bimeze"

Dr .Yannick yongeyeho ko mu kwakira  abakekwaho gukorewa  ihohoterwa  byihuse cyane bigira uruhare rukomeye mu  iperereza n'ubutabera bahabwa  bushingiye ku bimenyetso biva mu isuzumwa rikorwa na muganga.

 Ikindi hari n'ibindi bufasha bahabwa na muganga nko kurindwa gusanwa no kwandura virusi itera Sida n'izindi ndwara zandurira mu myanya myibarukiro. Ibi bigakorwa mu gihe ntarengwa  cyagenwe kugirango bukore uko bikwiye.

Iyi mashini ije isanga Izindi ebyiri zari zisanzwe zikoreshwa buri imwe ikaba ifite umwihariko wayo.